तुमच्या शरीरात कोणतं अंग तुमच्यावर रुसलेलं आहे?

 

आपण सगळेच कुठे ना कुठे त्रास अनुभवत असतो – कुणाला थकवा जाणवतो, कुणाचं पचन नीट होत नाही, कुणाला भूक लागत नाही तर कुणी सतत चिडचिड करत असतो. पण हे सगळं होतंय नेमकं का?

तुमचं शरीर तुमच्याशी बोलतंय… पण आपण त्याचं ऐकत नाही!

 

थोडं लक्ष देऊन पाहा…

तुम्हाला हे त्रास जाणवतात का?

सकाळी उठतानाच अंग थकल्यासारखं वाटतं

चेहरा काहीसा फिकट दिसतो

डोकं नेहमी जड-जड वाटतं

खाल्ल्यावर पोट सुजल्यासारखं होतं

थोडंसं खाल्लं कीही पोट भरल्यासारखं वाटतं

एकूणच उत्साह कमी झालाय

जर या पैकी 2-3 लक्षणं तुमच्यात असतील… तर हे लिव्हरचं 'रुसणं' असू शकतं!

लिव्हर रुसतं म्हणजे काय?

लिव्हर म्हणजे आपल्या शरीराचा 'फिल्टर' – शरीरातले टॉक्सिन्स, केमिकल्स, हॉर्मोन्स, औषधांचे अंश यांचं शुद्धीकरण हे लिव्हरचं मुख्य काम.

आपण जास्त oily जेवण, junk food, दारू, साखर, रात्रभर जागरण किंवा तणाव यामुळे लिव्हरवर भार टाकतो. आणि हळूहळू लिव्हर थकायला लागतं.

 

थकलेलं लिव्हर हे एकदम गप्प बसत नाही…

ते लक्षणांच्या रूपाने तुम्हाला “सांगतं” की –

"माझ्याकडे लक्ष दे!"

 

मग उपाय काय?

सकाळी कोमट पाण्यात लिंबू आणि थोडं मध घेणं – लिव्हर डिटॉक्ससाठी उत्तम.

आवडत असलं तरी पिझ्झा, बर्गर, फ्राईड पदार्थ कमी करा – लिव्हरला थोडा आराम मिळू दे.

संध्याकाळी उशिरा खाणं टाळा – लिव्हर रात्री रिपेअर मोडमध्ये जातं.

दररोज 20 मिनिटं चालणं किंवा योगासनं करा – रक्तप्रवाह वाढतो आणि लिव्हरला मदत होते.

दिवसातून 8-10 ग्लास पाणी प्या – टॉक्सिन्स बाहेर जाणं सोपं होतं.

तुमचं लिव्हर तुमच्यावर रुसलेलं असेल… पण थोडं प्रेम, थोडी काळजी आणि थोडं लक्ष दिलंत, की ते लगेच खुश होतं!

लक्षात ठेवा – आरोग्य म्हणजे केवळ औषध नव्हे, तर शरीराशी मैत्री करण्याची एक सुंदर प्रक्रिया आहे.

संकलन-

निसर्ग उपचार तज्ञ

डॉ. प्रमोद ढेरे, पिंपरी-चिंचवड, पुणे.

आरोग्यविषयक व्याख्याते व लेखक